يالله ياقلب ٍ مـا تحمـل  للأزعـاج

للهاشمـيـه قــربّّ  الهاشمـيـه

خل الدموع تحول افـواج  وافـواج

الحـزن هـذا يمطـر  الظاهـريـه

والصدر به نـار ٍ توهـج  توهـاج

ارشهـا بالمـاء ولــلأن  حـيـه

طعنة غياب اللي رحل مالها  عـلاج

كادت وانا ارثي تنهك الحيـل  فيـه

الله يعظـم اجـر نايـف وهـجـاج

ونـواف ومنيـف وجميـع البقيـه

والأسره اللي تبكـي افـراد وازواج

يبكـون شيـخ ٍ لـه مكانـه قويـه

فقيدكـم فقيـدنـا نـجـم وهــاج

وأنتم عوض راع الوفـا  والحميـه

والا ترى هداج يـا عيـال  هـداج

من يوم أنـا جاهـل عزيـزٍ عليـه

قد قلت للجمهور خوف من  الاحراج

والشيخ حاضر يـوم ازف  التحيـه

قلت القصيده ضعفها منـه مخـراج

اذا القصـيـده مالـهـا  قابلـيـه

عندي عوضها شاهدوا ضحكة حجاج

الشيخ ابـو نـواف زبـن الونيـه

اللي ليا جا اسمه على لسان هـراج

قالـوا ونعـم ٍ بـه ونعـم بخويـه

خويه اللي فوق متنه وضـع  تـاج

اكبر من تـاج الرتبـه  العسكريـه

تاج الرجوله واخو الأدهم ما يحتـاج

من اسـرة ٍ ماهـي وربـي رديـه

اللـيٍ ليـا جـا للعـزاوي توهـاج

ثـم اعتـزوا بالعـزوه  الراشديـه

فزعاتهم عقب ضما المـوت ثجـاج

تثلج صدور اللي من اقصى البريـه

قالوا صدقت وزادت انتاجي  انتـاج

وحضور جـازي يرفـع  المعنويـه

يا رب ياللي لك هكا الوجه  محتـاج

أنـك تحطـه بالجـنـان العـذيـه

أنت الغفور اللي لك الخلـق حجـاج

اغفر ذنوب اللـي عزيـز ٍ  عليـه